सुरक्षा निकायहरुबाट प्राप्त देशभर घटेका प्रमुख तथा समसामयिक घटनाहरुको विश्लेषण गरी दैनिक जाहेरीको विवरण तयार गर्ने, आवश्यकता अनुसार सम्बद्ध प्रमुखज्यू समक्ष पेश गर्ने र सो को अभिलेख राख्ने।
पत्र-पत्रिका, वेबसाइटहरुमा प्रकाशित समाचारहरु एवं गृह मन्त्रालयसँग सम्बन्धित सामाचारहरुको सारांश तयार गरी महाशाखा प्रमुखज्यू समक्ष प्रतिवेदन पेश गर्ने र सोको व्यवस्थित अभिलेख राख्ने।
आवश्यकता अनुसार केन्द्रिय सुरक्षा समितिको बैठकको लागि ३ वटै सुरक्षा निकाय (नेपाल प्रहरी, सशस्त्र प्रहरी बल, नेपाल र राष्ट्रिय अनुसन्धान विभाग) सँग समन्वय गरी सुरक्षा गतिविधि सम्बन्धी प्रतिवेदन तयार गरी महाशाखा प्रमुखज्यू समक्ष पेश गर्ने।
बरामद तथा जफत गरिएका हात-हतियार, बम निस्क्रिय/विष्फोटन, अपहरण, आगलागी, भन्दा माग लगायतका आपराधिक गतिविधिको व्यवस्थित अभिलेख राख्ने र आवश्यकता अनुसार सम्बद्ध अधिकारी समक्ष प्रतिवेदन पेश गर्ने।
सुरक्षा निकायबाट प्राप्त पाक्षिक, मासिक अपराध सम्बन्धी तथ्याङ्कहरुको आवश्यक प्रशोधन र विश्लेषण गर्ने, आवश्यकता अनुसार सम्बद्ध पदाधिकारी समक्ष पेश गर्नुका साथै उक्त अभिलेख समय समयमा अद्याविधक गर्ने।
संसद अधिवेशनको समयमा सदनमा माननीय मन्त्रीज्यूले जवाफ दिनु पर्ने घटनाको सम्बन्धमा सूचना सङ्कलन गर्ने र सो सम्बन्धमा आवश्यक विषयवस्तु तयार गरी जाहेर गर्ने।
आवश्यकता अनुसार नेपाल प्रहरी, सशस्त्र प्रहरी बल, नेपाल र राष्ट्रिय अनुसन्धान विभागसँग समन्वय गरी परिस्थितिजन्य थप सूचना संकलन सम्बन्धी कार्य गर्ने।
गृह मन्त्रालय/सुरक्षा तथा समन्वय महाशाखा/शान्ति सुरक्षा तथा अपराध नियन्त्रण शाखाबाट तोकिएका अन्य कार्यहरु सम्पादन गर्ने
सम्बन्धित सुरक्षा निकायबाट शान्ति सुरक्षाका सम्बन्धमा तालुक मन्त्रालयहरुको बारेमा आवश्यक समन्वय गर्ने।
